Ngasoddo na:né ké miksi rago bagdung
Amigé da:rob la:madung
mibu mi:lobé ru:robdu:ng
édé miksi di:kodo
a:néké asiné ra:go ba:gdung.
Ka:pei ba:gmayén asin ra:goko
Po:lo pu:muku a:ki kíla o:nam
o:tém-opa:mé a:odé
na:néké aya:ngko kankin ku:mamilo
na:néké agom ko ta:tkin ku:mami:lo
mising na:néké agom ko lu:kinku:mamilo.
Omma:ng kídardok do:yingém
méngko:lo ya:kané mu:kkangpé ige:la
ge:né adiara:do a:so a:sopé gi:yok su:dung
o:né a:nébi ,Médir sa:gíém gíla
Na:né bí mébo mélabla su:mbinam
li:gang mi:bu ga:lugém gékuma:milo
ér ponkírné génamém gépala
anéké aya:ngém méyok du:ng,
Okum koktok do: ma:kung su:dyir su:dyirla
su:mkainamdém méyok du:ngkung
a:né omédé té:lé ge:jik péli:sané
do:nyi sa:ngkolo du:pang ku:la.
No:éi lu:kito ngasod ma:yén ka:pé
na:néké agom lo:ngém méyok su:gela
do:nyi o:anko a:gomém méngab ye:kumilo
na:né agomém ta:trik su:ku ma:milo.
No:éi lu:kito
ngasod ma:yén sékobi.
◼Karchang Takar
Lokhimpur
0 Comments